Кристијано Роналдо нема да дојде назад во Мадрид ниту за да го проследи како гледач мега-дуелот меѓу Ривер плата и Бока јуниорс, што в недела ќе се игра на „Сантијаго Бернабеу“. Португалскиот ас заедно со Лионел Меси беше поканет како специјален гостин на фудбалскиот спектакл, но извори блиски до новиот голгетер на Јувентус тврдат дека тој нема намера да доаѓа назад во домот на својот поранешен клуб.
„Роналдо не доаѓа во Мадрид. Премногу е рано за да се врати назад на „Бернабеу“, затоа и се заблагодари на поканата и соопшти дека нема да го гледа дербито. Односите со клубот му се сериозно нарушени по заминувањето во Јувентус, тоа не е никаква тајна“ – откриваат блиски пријатели на Кристијано за шпанските медиуми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
