Промоцијата на украинските дресови за ЕВРО 2020 предизвика бурни реакции во Источна Европа, откако Русите гласно протестираа на пораката „Слава за Украина“ што е извезена на самиот дрес што ќе го носат избраниците на Андриј Шевченко на претстојниот европски шампионат.
Бројни руски политичари, но и спортски работници бараа дресот да биде забранет од УЕФА поради „политичка порака“, но експресно стигна одговорот – тоа дефинитивно нема да се случи.
„Дресот на украинската репрезентација, како и на сите останати селекции, е веќе одобрен од УЕФА за претстојниот европски шамионат. Тој е во согласност со сите правила за спортска опрема на големите натпреварувања“, објави УЕФА на официјалната веб-страница.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
