Сосема е извесно дека Мохамед Салах ќе замине од Ливерпул ова лето, но извесно е и дека сака да остане во Европа. А, таа желба многу лесно би можела и му да се оствари.
Има понуди од саудиски клубови има, но како што стојат работите, Салах е подготвен да ги одбие сите.
Наводно, на неговата маса има профитабилна понуда од Фенербахче која Египќанецот е подготвен да ја прифати.
Салах брза да се врати на терените откако беше принуден да ја напушти играта против Кристал Палас поради повреда. Најновите индикации се дека Салах ќе игра до крајот на сезоната и дека навивачите на Ливерпул ќе имаат можност да се збогуваат со него.
Деновиве Салах повторно, како многу пати претходно, се поврзуваше со заминување во Саудиска Арабија.
Кристијано Роналдо е се поблиску до пензионирање, а Саудијците бараат човек кој ќе биде нов амбасадор на фудбалот во оваа земја.
Сепак, Салах не сака да оди во Саудиска Арабија, туку сака да ја продолжи кариерата во друг европски клуб.
Турски „А Спорт“ тврди дека легендарниот крилен напаѓач е голема желба на Фенербахче, но и дека Салах е подготвен да ја прифати понудата.
Функционерите на Фенербахче наводно одржале два состанока со агентот на Салах и сè поминало повеќе од добро.
Салах сака неделна плата од 385 илјади евра, а наводно челниците на овој клуб се подготвени да го исполнат тој услов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
