Вејн Руни остро го критикуваше однесувањето на Мохамед Салах, кое го нарече себично, и го повика тренерот на Ливерпул, Арне Слот, да го изостави египетскиот напаѓач од прошталниот натпревар на „Енфилд“.
Реакцијата на Руни дојде откако Салах објави порака на социјалните мрежи што многумина ја протолкуваа како критика кон холандскиот тренер.
„Црвените“ беа поразени од Астон Вила со 2-4 во петокот вечерта, што дополнително го зголеми притисокот врз Слот по разочарувачката сезона. Клубот моментално е на петтото место и сè уште не обезбедил настап во Лигата на шампионите, а со 12 порази во 37 лигашки натпревари, дел од навивачите се свртеа против тренерот. Салах, кој се врати од повреда, како доцна замена против Вила, треба да го напушти клубот на крајот од сезоната, а неговиот однос со Слот беше затегнат во текот на целата сезона.
Контроверзна објава на социјалните мрежи
По поразот од Вила, Салах објави порака на социјалните мрежи во саботата во која се чини дека го критикува тренерот. В
о него, тој спомена како тимот „се распаѓа со уште еден пораз“ и повика на враќање на „хеви метал напаѓачки фудбал“, стилот што беше заштитен знак на претходникот на Слот, Јирген Клоп.
Руни верува дека Салах ја преминал границата со својата објава, особено затоа што претходно оваа сезона веќе јавно изјави дека нема никаква врска со Слот. Поранешниот капитен на Англија повика Египќанецот да биде изоставен од составот за неделниот проштален натпревар против Брентфорд на „Енфилд“.
„Сето ова е толку тажно на крајот, по сè што направи и постигна во Ливерпул“, рече Руни во својот подкаст „Шоуто на Вејн Руни“. „Не е негово да истапи и повторно да жестоко да го критикува Слот“.
Руни: Салах повеќе нема сила за фудбалот на Клоп
„Тој сака „хеви метал“ фудбал, што во основа значи дека го сака фудбалот на Јирген Клоп. Но, не мислам дека Мо Салах повеќе може да се справи со таков фудбал. Не мислам дека неговите нозе се навикнати да играат со тоа високо темпо и интензитет“, рече Руни.
„Да бев Арне Слот, немаше да го пуштам никаде во близина на стадионот на последниот натпревар. Јас самиот го доживеав тоа со Алекс Фергусон. Се судривме и се расправавме, па во неговиот последен натпревар на Олд Трафорд ме изостави од тимот токму поради тоа“, се присети Руни.
„Тој себично фрли бомба во соблекувалната велејќи дека не му верува на Арне Слот. Со тоа, ги стави и своите соиграчи кои остануваат следната сезона во незгодна ситуација и им остави на нив да се справат со тоа.“
Обид да се оправда лошата сезона
Најновиот испад на Салах доаѓа во услови на исклучително разочарувачка сезона за него. Откако беше во сезоната 2024/25, ја освои наградата за играч на сезоната во Премиерлигата со 29 гола и 18 асистенции, оваа сезона постигна само седум гола со шест асистенции. Во текот на девет години на „Енфилд“, освои девет трофеи.
Руни верува дека коментарите на Салах делумно имаат за цел да го одвлечат вниманието од неговата лоша последна сезона во клубот.
„Мислам дека Салах се обидува да се оправда и да се чувствува подобро бидејќи имаше многу лоша сезона. Затоа мислам дека се однесуваше многу себично во два наврати. Штета, навивачите ќе бидат на негова страна, но кога ќе погледнете подлабоко, и имајќи предвид дека бев во соблекувалната во слична ситуација, Мо Салах точно знае што прави“, додаде тој.
„Тоа е твојот тренер. Не можеш јавно да го омаловажуваш двапати така и да се извлечеш неказнето. Да бев Арне Слот, ќе морав да го повлечам чкрапалото и да кажам: „Слушај, нема да одиш никаде близу до стадионот во недела, без разлика дали ти се допаѓа или не“. Искрено се сомневам дека ќе го стори тоа, но мислам дека треба. Секако дека заслужува убаво збогување, но дали го заслужува по ова? Ова е вторпат како го прави тоа. Штета е да се види како една од големите икони на Премиерлигата ја напушта лигата под овие околности.“
Пораката на Салах до навивачите
Во својата објава во саботата попладне, Салах напиша:
„Го видов овој клуб како од сомнителен преминува во доверлив и од доверлив преминува во шампион. Потребно беше многу работа и секогаш се трудев да му помогнам на клубот да го стори тоа. Ништо не ме прави погорд. Нашето распаѓање со уште еден пораз оваа сезона беше многу болно и нашите навивачи не го заслужуваат тоа. Сакам да го видам Ливерпул како се враќа на таа „хеви метал“ напаѓачка машина од која противниците се плашат и повторно да биде тим што освојува трофеи“, напиша Салах и дополни:
„Тоа е фудбалот што знам да го играм и тоа е идентитетот што треба да се врати и да се задржи засекогаш. Тоа не е нешто за кое може да се преговара и секој што доаѓа во овој клуб мора да се прилагоди на тоа. Победата на неколку натпревари не е она што Ливерпул треба да го претставува. Сите тимови победуваат натпревари.“
„Ливерпул секогаш ќе биде клуб што значи многу за мене и моето семејство. Сакам да го видам како успева долго откако ќе заминам. Како што секогаш велев, квалификациите за Лигата на шампионите следната сезона се минимум и ќе направам сè што можам за да го остварам тоа“, заклучи Салах.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
