Мохамед Салах неочекувано си создаде проблеми откако асот на Ливерпул преку објава на социјалните мрежи се збогуваше од Кралицата Елизабета, изразувајќи сочувство на кралското семејство.
„На овој емотивен ден, со мислите сум со кралското семејство“, меѓу другото напиша египетскиот ас, не ни насетувајќи дека неговиот пост ќе наиде на бурна реакција во арапскиот свет.
View this post on Instagram
Во наредните часови илјадници следбеници на Салах на социјалните мрежи јавно го критикуваа голгетерот на Ливерпул за оваа објава.
„Што е со тебе? Прочитај што им направила на Арапите низ целиот свет пред да објавиш вакво нешто. Буквално го за.бала целиот наш свет“, гласи една од објавите.
„Прашај го дедо ти што ни правела, па објави ја оваа фотографија“, се надоврзуваа критиките кон фудбалерот на Ливерпул.
Мохамед Салах има над 52 милиони следбеници на инстаграм-профилот и додека има такви кои го поздравуваат неговото збогување од Кралицата Елизабета, голем дел од фановите во овој случај се против потегот на Салах.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
