Белгискиот интернационалец Еден Азар во летниот преоден рок најверојатно ќе го напушти Челси и ќе направи трансфер во Реал Мадрид, а на Островот веќе го најавуваат неговиот наследник на „Стемфорд бриџ“. Менаџерот Маурицио Сари ќе ги искористи старите добри релации и ќе го донесе Лоренцо Инсиње во Челси.
Офанзивецот на Наполи се споменува и како потенцијално засилување за Ливерпул, но Сари секако е голем адут на Челси во преговорите со Инсиње. Сепак, раководството на Наполи нема така лесно да се откаже од неговите услуги и сигурно ќе очекува понуда од најмалку 100 милиони евра.
Лоренцо Инсиње е во одлична форма оваа сезона, на 27 натпревари постигна 11 гола и забележа шест асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
