Етиопјанецот Муктар Едрис славеше на трката на 5.000 метри на Светското првенство во Лондон.
Британецот Мохамед Фарах беше главен фаворит за ново злато, но на крајот мораше да му честита на Едрис кој 5.000 метри истрча со време од 13:32.79 минути, додека Фарах на втората позиција имаше време од 13:33.22 минути.
Фарах немаше загубено финале цели 2176 дена, но ова воопшто не беше негова ноќ иако пред својата публика.
„Дадов 110% од себе, но не можев ништо да направам. Овој пат победи подобриот“ – рече Фарах по трката.
Третото место му припадна на Американецот Пол Челими, со време од 13:33.30 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
