Селекторот на Лихтенштајн Конрад Финфстик, повика 23 фудбалери за националниот тим кои ќе бидат во комбинација за натпреварите против Белгија дома и со Македонија на гостински терен.
Финстик на прес-конференцијата искажа голема почит кон Македонија, и гостувањето во Скопје го нарече едно од најтешките во квалификациите.
„Најпрво за Белгија. Кога ќе видите толку многу ѕвезди кои ќе играат против вас, тоа е искуство кое ќе треба да им го раскежете на своите внуци. Но, не ни треба стравопочит, туку радост и страст. За Македонија, од самиот почеток реков дека ќе мора да се обрне внимание на оваа селекција. Тие играа добро против Велс и против Белгија, а во минатото ја совладаа Германија. Ќе биде многу тежок натпревар. Но, ние сакаме да покажеме дека играме со срце, без разлика кој ни е противник“, рече Финфстик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
