Шпанскиот прволигаш Севилја одлучи да го тужи Атлетико Мадрид за нелегално купување на фудбалерот Витоло во летниот преоден рок. Како што е познато, Атлетико Мадрид има забрана за трансфери, не смееше да купува нови фудбалери, но Витоло сам си ја плати отштетната клаузула вредна 37,5 милиони евра, а потоа замина во Лас Палмас, каде ќе игра во првиот дел од сезоната. Потоа треба да се реализира неговиот трансфер во Атлетико Мадрид.
Севилја тврди дека со 27-годишниот фудбалер, кој е и шпански репрезентативец, имала договорено услови за нова соработка и дека не може еднострано да се раскине договорот. Клупските адвокати покренале судска постапка за „случајот Витоло“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
