Шкендија во третото квалификациско коло во Лигата на Конференции, ќе ги одмери силите со шкотски Хибернијан. Првиот меч е на 6. август на гости во Единбург, а реваншот за седум дена во Скопје.
Тоа ќе биде последниот двомеч пред пласман во плеј-офот во ЛК, а пред пласман во групната фаза, каде што лани играше тетовскиот тим, и го направи најголемиот успех во купскиот фудбал.
Ждрепката за потенцијалниот ривал во плеј-офот е во понеделник, а таму Шкендија би била аутсајдер, и би можела да добие далеку позвучен ривал отколку сега. Така еден од тимовите кој може да биде ривал е поранешниот освојувач на Лигата на Европа, тимот на Аталанта. Финалистот на Лигата на Европа Фрајбург е исто така потенцијален ривал. Од другите тимови, можен ривал е и Монако, холандскиот гигант Ајакс, потоа Копенхаген, Митјиланд, Карабах…
Но, и покрај звучни тимови, Шкендија може да добие и полесна задача, како на пример да ги одмери силите со Шериф Тираспол од Молдавија, Лугано од Швајцарија, има тука и тимови како Панатиниакос, Андерлехт, Рапид Виена, Пафос, Партизан…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
