Шкендија и официјално го промовираше Португалецот Алдаир Нето како свој нов фудбалер, потпишувајќи договор до крајот на сезоната.
25-годишен крилен офанзивец е ангажиран откако успешно го мина декемврискиот тест-камп во клубот. Од 29 фудбалери колку што беа на кампот, Шкендија го одбра Алдаир Нето. Потпиша шестмесечен договор со Шкендија, со можност за продолжување на истиот.
„За мене е чест што бев одбран и што потпишав договор со Шкендија. Ми се допаѓа начинот на кој игра Шкендија, за која знам дека е голем клуб. Првиот ден кога пристигнав тука минатата година го следев натпреварот со Вардар и видов дека имаме навистина добар тим. Ова ќе биде голем предизвик за мене“ – вели Нето.
Претходно во својата кариера Нето, кој потекнува од фудбалската школа на португалска Брага, има настапи и за Маритимо во португалското првенство како и Бангор сити во велшкото првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА