Шкендија денеска го промовираше второто ново име во своите редови. Станува збор за бразилскиот интернационалец Андре Менсалао, кој во тетовскиот тим ќе остане во следните година и пол. Станува збор за централен играч за врска, но може да игра и во офанзивниот дел од средниот ред.
За Менсалао ова е второ искуство во Европа, откако во 2021 година играше во Ерменија, а претходно настапуваше во клубови од неговиот роден Бразил.
„Среќен сум што сум во Тетово и што станав дел од Шкендија. Видов нешто од игрите на тимот, и Шкендија игра брз и напаѓачки фудбал и мислам дека тоа ми одговара. Доаѓањето тука е нов предизвик за мене да ги покажам моите квалитети“, изјави Менсалао.
Вчера тетовскиот тим го промовираше Михаил Маневски за прво засилување на екипата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА