Екипата на Шкендија во случај на пласман во третото квалификациско коло од Лигата на Европа ќе се сретне со Норчепинг или со Тракаи. Македонскиот вицешампион има предност од 3-1 по првиот дуел со Хелсинки, а доколку избраниците на тренерот Османи ја одбранат оваа позитива, во следниот дуел ќе се сретнат со подобриот од двомечот Норчепинг – Тракаи. Швеѓаните барем на хартија се фаворити, но на првиот меч на домашен терен славеа само со 2-1, па Тракаи има шанси на реваншот во Литванија да приреди изненадување.
Првиот натпревар Шкендија би го играла на гостински терен на 27 јули, а реваншот би бил на програмата на 3 август.
Само за потсетување, тетовци минатата сезона стигнаа до четвртата квалификациска рунда од квалификациите за Лигата на Европа, елиминирајќи ги Нефчи од Азербејџан, Краковија од Полска и Млада Болеслав од Чешка, пред да бидат елиминирани од екипата на Гент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
