Шкендија стартуваше со победа на подготовките во Анталија, триумфирајќи во првиот пријателски натпревар против словачкиот прволигаш Серед со 3-2 (1-2).
Тетовци до победата дојдоа со пресврт откако Словаците по само 25 минути игра поведоа со 2-0. Но, во 32. минута Бесарт Ибраими успеа да намали на 1-2.
Во вториот дел далеку подобра игра на Шкендија која комплетно доминираше на натпреварот. Па, по акцијата на Бесарт Ибраими, во 56. минута Марјан Радески го израмнува резултатот, а веќе во 64. минута Садриу по корнерот од десната страна носи целосен пресврт и победа од 3-2.
Следниот пријателски натпревар на Шкендија е против чешката Карвина на 30. јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА