Продолжуваат засилувањата во редовите на Шкупи пред настапите во квалификациите за Лигата на Европа. Тимот од Чаир ги промовираше и најновите две засилувања, десниот бек Бојан Ѓоргиевски како и централниот дефанзивец Дарко Илиески.
Ѓоргиевски пристигна од редовите на Работнички, а претходно во својата кариера има настапи и за БАТЕ Борисов, Сконто Рига, Нефтохимик, Теута, како и за домашните Вардар, Металург и Хоризонт Турново.
Илиески, пак, пристигнува од редовите на Тиквеш а претходно има настапи и за 11 Октомври, Металург, Победа како и ерменскиот прволигаш Ширак.
„Секако задоволство е што ќе бидеме дел од Шкупи, клуб со долга традиција и бројни трофеи. Подготвени сме да му помогне на тимот, како на домашната сцена така и во Лигата на Европа“ – истакнаа Ѓоргиевски и Илиески по денешната промоција во новиот клуб.
Претходно, Шкупи денеска го промовираше и Мевљан Адили кој се враќа во клубот по епизодата во литванскиот Жалгирис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА