Македонскиот фудбалски прволигаш Шкупи потпиша договор со интернационалецот од Гамбија, Дембо Дарбое. Дарбое потпиша двогодишен договор со клубот од Скопје, со можност за продолжување на уште една година доколку и двете страни бидат задоволни. Тој во Шкупи беше на тест период од месец јуни, а откако ги задоволи барањата на прволигашот доби и договор.
„Јас сум многу среќен што ќе бидам дел од Шкупи. Тоа ќе биде ново искуство за мене и ветувам дека ќе дадам максимум за успешна сезона на клубот“, изјави накратко Дарбое.
Тој во минатото ги бранеше боите на Талиндинг Јунајтед, Реал де Бањул и Асак Ндиамбур.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА