Рон Број не е повеќе фудбалер на Шкупи откако по завршувањето на меѓусебниот договор со крајот на сезоната двете страни не најдоа заеднички јазик за продолжување на соработката.
„Им благодарам на сите во Шкупи и неговите навивачи за можноста да играм во овој клуб во кој минав прекрасни две години. Секогаш Шкупи и навивачите ќе бидат во моето срце“ – вели Броја по разделбата со чаирчани.
Изминатава сезона фудбалерот од средниот ред запиша 29 настапи за Шкупи притоа со еден гол и две асистенции.
Од друга страна договорот го продолжи Турчинот со британско државјанство Берат Устабаши, кој беше еден од најдобрите во тимот низ последните натпревари кога се одлучуваше европскиот излез.
Чаирчани од денеска се на подготовки во турски Болу каде ќе престојуваат до 10. јули. Најверојатно и патувањето во Ереван за мечот против Пјуник ќе биде директно од Турција. Во Турција ќе бидат одиграни и неколку силни пријателски натпревари, а досега е потврдена единствено средбата со романската Политехника Јаши на 4. јули.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
