По само еден ден откако го продаде Јан Сомер на Интер за околку седум милиони евра сметајќи дека голманот не е на посакуваното ниво, а во Маунел Нојер се уште има квалитет да биде „број еден“ на голот, Баерн Минхен доби разочарувачки вести од лекарскиот тим.
Легендарниот германски голман нема така лесно да ја намине повредата и нема повторно да биде на теренот за неколку седмици. Нојер се соочува со нови проблеми со коленото поради кои мора да замине на операција која ќе го оддалечи од теренот во следните месеци.
Враќањето на Нојер се предвидува на почетокот на 2024 година, а дотогаш баварците ќе можат да сметаат само на услугите на Свен Улрих доколку во следните 20-тина дена не донесат ново засилување.
Повредата на Нојер ќе ги забрза преговорите за нов голман, а најблиску во моментов се наоѓа Давид де Хеа, кој е слободен играч по истекот на договорот со Манчестер Јунајтед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА