Силекс и Брегалница денеска од 13 часот во Кратово го отвораат 12. коло во Првата македонска фудбалска лига.
Кратовци и тоа како се желни за нова победа во шампионатот со која ќе ја продолжат битката за врвот. Желбата на тимот на Горазд Михаилов е секако да се задржи доминацијата на домашен терен па по четири победи и едно реми на пет натпревари, веруваат во продолжување на позитивната низа.
Но, од друга страна и Брегалница бараат начин за подобрување на резултатите, посебно на гостински терен, каде немаат ниту една победа, па желбата е да се дојде до први гостински бодови.
„Знаеме дека не чека тежок противник, но максимално сме подготвени за надигрување. Атмосферата е позитивна по добрите игри, но мора да дојдат и резултатите. Силекс е квалитетен тим кој посебно добро игра на домашен терен, но Брегалница има квалитет да го освои Кратово“ – вели шефот на стручниот штаб на Брегалница, Горан Здравков.
ПМФЛ – 12. КОЛО (денеска, 13 ч.)
Кратово: СИЛЕКС – БРЕГАЛНИЦА
УТРЕ (13 ч.)
Скопје: ВАРДАР – АП БРЕРА
Скопје: ШКУПИ – РАБОТНИЧКИ
Гостивар: ГОСТИВАР – СТРУГА ТЛ
Скопје: МАКЕДОНИЈА ЃП – ТИКВЕШ
Тетово: ШКЕНДИЈА – ВОСКА СПОРТ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
