Кратовски Силекс стигна до првото реми, по претходните два порази од руските второлигаш Оренбург (0-3) и Луч Енергија (1-2), во третиот контролен натпревар за време на подготовките во Анталија.
Кратовци на денешниот пријателски натпревар ремизираа (1-1) со полскиот прволигаш Арка Гдиња.
Двата погодоци на мечот паднаа во второто полувреме. Најпрво Полјаците дојдоа до водство во 62. минута со голот на Ескуеда, а потоа Силекс надмоќната игра и доминацијата на терен ја круниса со гол од пенал на Глигор Глигоров во 79. минута.
Следниот пријателски натпревар на Силекс е на 31. јануари против белградска Црвена Звезда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
