Силекс се засили со Милош Жеравица од Борац Бања Лука

Силекс за новата сезона во Првата македонска фудбалска лига се засили со искусниот српски интернационалец Милош Жеравица.

30-годишниот Жеравица, кој е фудбалер од средниот ред, доаѓа од редовите на Борац Бања Лука каде настапуваше изминатава сезона. Претходно во својата кариера има настапи и за Зрињски во шампионатот на БиХ, во српските ОФК Београд, Слобода Ужице и Напредак како и исландски Гриндавик.

Од редовите на кратовци, пак, си замина офанзивецот Петар Икиќ кој минатата сезона настапи на 13 натпревари а не постигна ниту еден погодок.

Се вчитува...