Лос Анџелес Лејкерс ќе ги вакцинира сите кошаркари до стартот на новата сезона во НБА лигата кој е закажан за 19. октомври.
Оваа вест ја соопшти генералниот менаџер, Роб Пелинка.
„Напорно работевме со здравствените работници во Лос Анџелес, со нашите доктори, играчите, нивните агенти и членовите на семејствата. Сите наши кошаркари потпишаа дека до првиот меч против Голден Стејт Вориорс ќе бидат вакцинирани“, изјави Пелинка.
Раководството на НБА лигата се уште не ги објавиле здравствените протоколи за новата сезона. За сега се знае само дека судиите и сите кои непосредно работата со играчите ќе мора да бидат вакцинирани. Според сегашните податоци вакцинирани се околу 90 отсто од кошаркарите во НБА.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА