Поранешната ѕвезда на Барселона, Дани Алвеш, е во затвор речиси три месеци откако една девојка го обвини за силување. Се чини дека речиси сите му свртеа грб на Алвеш, а остана само еден човек кој редовно го посетува во затвор.
Бразилецот е во затвор речиси три месеци и таму сигурно ќе остане до крајот на судскиот процес. Судот е загрижен дека тој може да побегне од Шпанија во случај да биде ослободен да се брани и затоа ги отфрла сите негови жалби.
Животот на Алвеш целосно се распадна по почетокот на судењето, а неговата сопруга Јоана Сајнз, која само еднаш го посети во затвор, го напушти. Дури ни неговото семејство навистина не е тука за да го поддржи во тешките моменти, а шпанските медиуми пишуваат дека само еден пријател му покажал лојалност на Алвеш.
Од сопругата, семејството и сите негови пријатели, само еден маж редовно го посетува Алвеш во затворот, а тој доаѓа секоја недела. Станува збор за човек по име Бруно Бразил кој е долги години пријател на Алвеш, а воедно бил и негов готвач и нутриционист.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
