Актуелниот европски шампион Манчестер сити успеа да спречи сензација на стартот на новата сезона во Лигата на шампионите, откако на домашен терен славеше над Црвена звезда со 3-1.
Иако „граѓаните“ ја имаа иницијативата и имаа голем број шанси, сепак не успеаја да го начнат голот на српскиот шампион во првото полувреме, а казната стигна во судиското надополнување кога Букари го шокираше „Етихад“ за водство на „црвено-белите“ од 0-1. Сепак, работите си дојдоа на своето место во вториот дел кога со головите на Алварез (два пати) и Родри, избраниците на Пеп Гвардиола стигнаа до целосен пресврт и победа од 3-1.
Во дербито на вечерта Пари Сен Жермен славеше над Борусија Дортмунд со 2-0. Мбапе од пенал во 49. минута донесе водство од 1-0 за домаќините, а конечните 2-0 беа дело на Хакими во 58. минута.
Барселона во својот прв меч на „Монжуик“ во Лигата на шампионите го прегази Ројал Антверпен со 5-0. Жоао Феликс во 11. минута донесе водство од 1-0 за домаќините. Во 19. со голот на Левандовски беше 2-0, а со автоголот на Батали во 22. минута Барса поведе со 3-0. Во вториот дел работата само ја завршија Гави во 54. и Жоао Феликс со својот втор гол во 66. минута за конечни 5-0.
Manchester City [3] – 1 FK Crvena Zvezda – Rodri 73’
byu/MarcoRuss insoccer
РЕЗУЛТАТИ ЛШ 1. КОЛО:
Милан – Њукасл 0-0
Јанг Бојс – Лајпциг 1-3
Манчестер С. – Црвена Звезда 3-1
Барселона – Антверпен 5-0
ПСЖ – Борусија Дортмунд 2-0
Лацио – Атлетико М. 1-1
Шахтјор – Порто 1-3
Феенорд – Селтик 2-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
