Реал Мадрид во последниот натпревар во Ла лига загуби на домашен терен од Кадиз со 0-1, со што го запиша првиот пораз во новата сезона. Сам по себе поразот не е најголемиот проблем, туку играта која ја прикажаа избраниците на Зинедин Зидан. Одиграа неверојатно лош натпревар особено во фазата на нападот, а годинава во пет натпревари постигнаа вкупно само шест гола.
За неефикасноста и немањето напаѓачка игра најмногу се обвинува тренерот на тимот Зинедин Зидан. Шпанска „Марка“ смета дека овој тим е само бледа сенка од тимот кој три пати по ред ја освојуваше Лигата на шампионите. Крајот на проблемите не е тука бидејќи следната недела ги очекува првото „Ел класико“ сезонава, а позитивна информација за „кралевите“ е таа што и Каталонците не се во најдобра форма на стартот на шампионатот.
#LaPortada Estado de alarma ? https://t.co/CG44cFuvgd
— MARCA (@marca) October 19, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА