Шкендија има предност од 1-0 на полувремето против Скопје во заостанатиот натпревар од 1. коло во Првата македонска фудбалска лига.
Дуелот кој се игра во Струга, поради суспензијата на теренот во Тетово, сепак е одбележан од двата црвени картони во таборот на скопјани.
Во само четири минути фудбалерите на Скопје заработија две исклучувања. Најпрво, Ристовски во 33. минута стартуваше врз Гонсалвес кој беше во шанса за гол и доби директен црвен картон. Во 35. минута капитенот на Скопје, Христијан Кировски доби жолт картон за приговор, а веќе во 37. минута поради старт врз домашниот фудбалер доби и втор жолт картон и исклучување.
Шкендија, пак, до предноста од 1-0 дојде со голот на Бразилецот Вагнер Гонсалвес уште во 6. минута од средбата, кој убаво изведе слободен удар од 20 метри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
