Менаџерот на Ливерпул, Арне Слот, призна дека имало чувство на олеснување во таборот на шампионите откако тимот ја прекина серијата од три порази со победа од 2-0 над Вест Хем. Холанѓанецот го опиша успехот и неприфаќањето на голот во натпреварот како добар прв чекор.
Самиот Слот беше под жесток притисок дека мора да победи, откако доби ултиматум дека мора да триумфира на следните два меча, ако сака да ја задржи позицијата.
„Дефинитивно има чувство на олеснување бидејќи ако си изгубил толку многу пати, тогаш победата е важна. Им беше тешко да создадат шанси пред нашиот гол, а ние успеавме сами да создадеме неколку. Корисно е ако не заостануваш во резултатот по пет минути игра, бидејќи тогаш си повеќе изложен. Ја игравме играта што јас сакав да ја играме. Видов дека оваа победа значи многу за играчите и за навивачите. Навивачите мораа да патуваат долг пат за да го поддржат тимот кој не играше добро. Во среда се соочуваме со Сандерленд. Многу зафатен распоред за сите. Ова е добар прв чекор за нас – да победиме и да не примиме гол“, рече Слот по натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
