Солари одмори пола тим, но убедливо победи на дебито

Сантијаго Солари имаше победничко деби на клупата на Реал Мадрид, откако аргентинскиот стратег славеше со 0-4 на гостувањето против Мелилја во рамките од Копа дел реј. „Кралевите“ во минатото знаеле да налетаат на „мина“ во ова натпреварување, но овојпат забележаа лесна и убедлива победа иако новиот тренер значително го изротира тимот.

Имено, покрај повредените Варан и Марсело денеска во екипата ги немаше ниту Крос, Модриќ, Иско и Бејл, а деби како првотимец имаше Бразилецот Виничиус. Реал доминираше и заслужено стигна до триумф, а стрелци на головите беа Бензема, Асенсио, Одраизола и младиот Кристо.

Се вчитува...