„Невозможната“ мисија на македонската кошаркарска репрезентација за пласман на Европското првенство ќе кулминира утре бидејќи Русија ни направи услуга со тоа што денеска ја совлада Естонија со 75-52. Домаќините на „балонот“ во Перм водството го одржуваа речиси цела средба, а одлична последна четвртина донесе убедлива победа.
Евгениј Бабурин ја предводеше „Зборнаја“ со 14 поени и 5 скока, додека Андреј Воронсевич додаде 13 поени и 7 скока. Кај Естонците единствен двоцифрен со 10 поени и 5 скока беше Јанари Јоесар.
Селекторот на Естонија им даде одмор на клучните играчи пред утрешната „мајсторка“ со Македонија, па „сино-белите“ ќе влезат во дуелот со доза на свежина во однос на нашата репрезентација. Натпреварот кој ќе го одлучи патникот на Европското првенство е со почеток од 15 часот. Како потсетување за Македонија да избори место помеѓу најдобрите репрезентации на „стариот континент“ мора да слави со двоцифрена разлика.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
