Актуелниот НБА-шампион, ЛА Лејкерс повторно ги разочара своите навивачи со пораз од Њујорк од 111-96.
Њујорк со пресврт дојде до победата во второто полувреме, на крајот успевајќи да триумфираат и со 15 поени разлика. Најдобар во победничкиот тим беше Рендл со 34 поени, дополнети и со 10 скока и четири асистенции. Кај Лејкерс се издвои Шродер со 21 поен.
Голден стејт славеше со 116-107 против Денвер на крилјата на Стеф Кари кој одигра неверојатен меч со постигнати дури 53 поени, дополнети и со шест скока и четири асистенции. Кари синоќа го собори и рекордот на Вилт Чемберлен престигнувајќи го на листата на најдобрите стрелци со 17.783 поени.
Бојан Богдановиќ го одигра натпреварот на сезоната во тесниот пораз на Јута од Вашингтон со 125-121. Богдановиќ постигна 33 поени, со пет скока и една асистенција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА