Продолжува разочарувачкото европско лето на македонскиот шампион Шкендија. Тетовци загубија со 2-0 на гостувањето од Рига во Летонија во првиот натпревар од 2. квалификациско коло во новата УЕФА Конференциска лига.
Летонците дојдоа до предност со погодокот на Весли Ната уште во 13. минута од средбата…
Во второто полувреме Рига постигна нов гол за конечени 2-0 преку Јури Вакулко во 52. минута.
За Шкендија останува реваншот во Скопје за една недела како можност за поправање на впечатокот во Европа кој е повеќе од срамен. По три натпревари „црвено-црните“ се уште се без постигнат погодок, со вкупна гол разлика од 0-8 по двата дуели со словенечка Мура во квалификациите за ЛШ и денешниот на гостувањето против Рига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
