Србија и Хрватска се последните две европски репрезентации кои обезбедија пласман преку баражот за СП 2019 и ќе бидат дел од светската ракометна елита на собирот во Данска и во Германија.
Српскиот состав имаше предност од 28-21 од првиот меч во Ниш, што рутински ја одржа на синоќешниот реванш во Португалија. Овој дуел заврши без победник, 25-25, а најдобар поединец беше Радивојевиќ со шест погодоци.
Хрватска беше поразена на реваншот против Црна Гора со 32-31, но убедливиот триумф од 13 гола разлика на првиот меч (32-19) беше доволна гаранција дека селекцијата на Лино Червар ќе го одржи континуитетот од настапи на големите натпреварувања.
Покрај Хрватска и Србија пласман од Европа обезбедија и домаќините Данска и Германија, светскиот првак Франција и европскиот шампион Шпанија, како и селекциите на Македонија, Унгарија, Шведска, Австрија, Исланд, Русија и Норвешка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА