Македонскиот фудбалски репрезентативец Стефан Ристовски со Спортинг Лисабон го освои трофејот во Лига купот на Португалија. Во драматичен меч, по изведување пенали, Спортинг Лисабон славеше против Порто со 3-1., откако мечот во регуларниот тек заврши 1-1. Фудбалерите на Порто промашија дури три удари од белата точка, а Спортинг Лисабон се спаси од пораз во последната минута од регуларниот тек од натпреварот. Стефан Ристовски го одигра целиот меч за Спортинг, но не учествуваше во пенал – серијата.
Финалниот дуел се одигра на стадионот во Брага. Порто поведе со голот на Фернандо во 79.минута од средбата, а израмни Бас Дост од пенал во 90.минута од мечот. Потоа во пенал – рулетот, фудбалерите на Спортинг Лисабон беа многу поуспешни.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
