Македонскиот пливач Андреј Стојановски, прoдолжува со успешните настапи на Олимписките игри за глуви што се одржуваат во Самсун, Турција. За два дена нашиот олимпиец настапи во две финалиња, а во второто за малку не стигна и до медал.
Во финалето на 400 метри мешано Стојановски заврши на четвртото место со време од 4:51.32 минути. Олимписки шампион во оваа категорија стана Јапонецот Фуџиара (4:28.49), сребрениот медал го освои Оботин од Русија (4:28,66), а на третото место на подиумот заврши уште еден пливач од Јапонија, Ибара кој заврѓши пред Стојановски со време од 4:31.67.
Претходниот ден, Андреј Стојановски настапи во финалето на 400 метри слободно и заврши на 5.место во оваа дициплина.
Последниот настап на Олимписките игри во Самсун, македонскиот претставник ќе го има на 24 јули во трката на 1.500 метри слободно.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
