Македонскиот репрезентативец Јован Стојоски оствари нов голем успех на Балканското Првенство За Сениори, кое се одржува во Волос, Грција, поставувајќи нов национален рекорд на 400 метри со пречки.
Стојоски трката ја истрча за 51.78 секунди, со што го подобри сопствениот национален рекорд од 52.23 секунди, поставен пред само една недела.
Подобрувањето од 0.45 секунди претставува значаен исчекор и уште една потврда за одличната форма во која се наоѓа македонскиот репрезентативец во текот на оваа сезона.
„Со овој резултат Јован Стојоски продолжува да ги поместува границите на македонската атлетика во дисциплината 400 метри со пречки и уште еднаш потврдува дека припаѓа во самиот врв на балканската атлетика.
Атлетската Федерација на Македонија му упатува искрени честитки на Јован Стојоски за овој значаен успех и му посакува уште многу рекорди и успешни настапи во иднина’“, се вели во објавата на македонската куќа на атлетиката.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
