Димитар Митроевски одигра одлични триесетина минути во финишот од дуелот Вараждин – Динамо Загреб, на кој токму македонскиот интернационалец е меѓу најзаслужните што шампионот на Хрватска не успеа да стигне до цел плен (1-1).
Митровски влезе во игра во 61. минута, нешто подоцна имаше одличен обид со ножички што голманот на Динамо го одбрани, но Македонецот затоа биеше маестрално во 76. минута, носејќи радост на Вараждин.
Динамо Загреб успеа да израмни со пеналот на Бруно Петковиќ, но „модрите“ немаа друг удар во рамките на противничкиот гол, со самото тоа и не заслужија цел плен на ова незгодно гостување.
Марио Младеновски беше одличен во одбраната на Вараждин на овој меч, додека Стефан Ристовски влезе во игра во последните дваесетина минути, и тоа на позицијата лев бек.
DIMITAR MITROVSKI GIVES VARAŽDIN THE LEAD AGAINST DINAMO!!!#HNL #VARDZGpic.twitter.com/vIq7J3Wr9v
— Croatian Football (@CroatiaFooty) March 30, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
