Вардар дојде до бод (2-2) на гостувањето против Струга Трим Лум и покрај негативата од 2-0 до 45. минута. Сепак, со голот од пенал на Дарко Мицевски и среќниот погодок на Дејан Блажевски во 96. минута, по грешката на домашниот голман, црвено-црните во Скопје се враќаат без пораз.
Тимот во Струга го водеше Златко Таневски, асистентот на Александар Васоски кој отсуствуваше поради семејна трагедија.
„Добар и содржаен натпревар се одигра во Струга. Сакам да им честитам на моите фудбалери кои покажаа карактер и покрај негативата од 2-0. Натпреварот не го започнавме најдобро тактички, изгледавме хаотично и многу нервозно, но како што одминуваше времето бевме се подобри. Голот од пеналот не врати во игра. На полувремето разговаравме отворено и си ветивме дека ќе одиграме подобро и така испадна“ – ни изјави по натпреварот Златко Таневски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
