Тиквеш во драматична завршница триумфираше со 28-27 на пријателскиот натпревар против Пролет што се одигра вечерва во салата „Јасмин“ во Кавадарци.
Тинекс Пролет одлично го стартуваше натпреварот и уште во раната фаза поведе со 1-5. Домашните ракометари се разбудија и одиграа нешто подобро до крајот на полувремето, но избраниците на Матлиески сепак стигнаа заминаа на одмор со предност од 13-15.
Второто полувреме донесе израмнет ракомет до самиот крај, а пресудна се покажа недоволната концентрација на гостите од Скопје во клучниот дел од мечот. При 27-27 Тинекс Пролет имаше напад за победа, но не само што не го искористи, туку прими гол од полуконтра за водство на противникот од 28-27. Тинекс Пролет потоа имаше уште еден последен напад, но повторно избраниците на Матлиески не го најдоа патот до мрежата на кавадарчани, на крајот губејќи го овој интересен дуел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
