Ракометарите на Е. Пелистер се вратија на победите во домашниот шампионат, откако вечерва славеа на домашен терен против Тиквеш со 29-25 во меч од 6. коло од плеј-офот во Суперлигата.
Гостинот од Кавадарци одигра одлично прво полувреме, посебно во фазата на одбрана каде на актуелниот шампион му дозволи само единаесет гола, а на пауза замина со позитива од 11-12.
Сепак, „пелистерци“ тргнаа многу подобро во вториот дел, па со фуриозна игра успеаја да направат целосен пресврт и на крајот да стигнат до конечен триумф од 29-25. Дејан Мансков со десет гола беше прво име во таборот на победникот, додека кај поразените Славчо Шулески постигна шест гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
