Македонскиот претствник во Лигата на Шампионите, Вардар го претрпе и шесттиот пораз во низа во најсилното ракометно натпреварување. Пресилен за „црвено-црните“ овој пат беше моќниот Кил кој славеше со 32-30 со подобра игра во вторите 30. минути.
По натпреварот голманот на двократниот европски шампион, Мартин Томовски проблемот го најде во грешките кои беа казнети од страна на искусниот германски тим.
„Одигравме еден доста тежок натпревар, можеби Кил беше не така перфектен, но нашите грешки беа казнети. Токму затоа загубивме. Мора да се фокусираме на нашата игра во следниот период и да одиме понатаму. Сакам да му посакам на Кил се најдобро во следните натпревари“, изјави Томовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
