Фудбалерите и кошаркарите на Реал Мадрид се наоѓаат во карантин откако Трој Томпкинс беше позитивен на Ковид-19, а германските медиуми успеаја да стигнат до изјава на Тони Крос.
„Ја користев истата опрема како и Томпкинс во тренинг-центарот, но се чувствувам добро. Јас и моето семејство немаме симптоми, се чувствуваме добро. Не ми е здодевно, не може да ти е здодевно кога си дома со три деца, секогаш ни се случува нешто. Имам време да си ја наместам фризурата, а кога ќе завршам, ја правам и фризурата на сопругата“, на шега прокоментира Крос, па додаде: Имам многу тоалетна хартија дома, а се е ОК додека имам тоалетна хартија“, изјави Крос за емисијата „Late Night Berlin”.
Потоа, Германецот даде и сериозен коментар за ситуацијата ширум светот.
„Сите прашуваат кога пак ќе играме фудбал, но според мене тоа е најмал проблем од се. Најважно е да ја добиеме борбата со овој невидлив непријател. Кога ќе го сториме тоа, се ќе се врати во нормала“, истакна Тони Крос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА