Хрватскиот кошаркар Тони Кукоч влезе во „Куќата на славните“ во Спрингфилд. Тројниот освојувач на титулата во НБА со легендарната генерација на Чикаго Булс предводена од Мајкл Џордан е петтиот Хрват кој доби свое место во „бесмртноста“. Претходно од оваа земја во Спрингфилд беа примени и Крешимир Чосиќ, Дражен Петровиќ, Мирко Новосел и Дино Раџа.
Со ова достигнување Хрватска е втората земја по САД со најмногу членови во „Куќата на славните“. Покрај Кукоч во генерацијата 2021 во „Куќата на славните“ се и Крис Бош, Крис Вебер, Бен Волас, Пол Пирс кај кошаркарите и Бил Расел и Џеј Рајт кај тренерите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
