Српскиот кошаркар Никола Јокиќ синоќа на дуелот против Феникс остана на само еден скок до нов „трипл-дабл“ (22 поени, 9 скока и 10 асистенции) во НБА лигата, но затоа, пак, не пропушти да се запише во историјата.
Јокиќ продолжи да ги поместува границите во НБА со нов рекорд. Србинот е првиот играч во историјата на најсилната кошаркарска лига на светот кој постигнал повеќе од 8.000 поени, 4.000 скока и 3.000 асистенции во период од пет години во ова натпреварување.
Јокиќ во овие пет години и двапати беше МВП на лигата, а минатата сезона сосема неоправдано не му беше доделено тоа признание, и покрај тоа што Денвер благодарание само на него дојде до шампионскиот трофеј.
An unprecedented five-year run for the Joker! 🃏🤯 pic.twitter.com/XurroxE8yH
— NBA (@NBA) March 28, 2024
Денвер во моментов, со ефект од 51 победа и 22 порази е лидер на табелата во Западната конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
