Тотенхем сезонава повторно ќе биде далеку од борбата за висок премиерлигашки пласман откако резултатската криза на лондонскиот тим се продлабочи со вечерашниот пораз од Борнмут (1-0). Ова беше шести пораз во досегашните 14 средби на „спарси“ во Премиер-лигата, по што овој тим падна на десеттото место на табелата, со 15 бода заостанување зад лидерот Ливерпул.
Тренерот Постекоглу изненади со одлуката мечот да го почне без Сон и Педро Поро, двајца клучни првотимци чие отсуство се почувствува во играта на „спарси“. Борнмут знаеше како да го искористи тоа, домаќините доминираа и заслужено поведоа преку дефанзивецот Хујсен, кој со 19 години и 235 дена стана најмлад стрелец во премиерлигашката историја на својот клуб. Во вториот дел во игра влегоа и Сон и Постекоглу, но Тотенхем се мачеше да влезе во ритам, напротив Борнмут беше тимот што ги имаше најубавите шанси во второто полувреме, но мечот заврши со минимална победа на домаќините од 1-0.
Фулам во последниот меч од оваа рунда славеше на домашен терен над Брајтон со 3-1. Ивоби донесе предност за домаќините, Балеба израмни со прекрасен погодок од дваесетина метри, но Фулам стигна до триумф благодарение на вториот гол на Ивоби и несреќниот автогол што си го постигна О’Рајли.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
