Шефот на Мерцедес, Тото Волф најави дека ќе остане во Мерцедес и следната година, но се уште не е донесена одлука на која позиција. Под негово водство Мерцедес шест години по ред ја освојува титулата во конкуренција на возачи и конструктори, но договорот му истекува на крајот на сезонава.
Веќе подолго време се шпекулира дека тој би можел да го напушти тимот, но сето тоа го демантираше откако изјави дека останува и следната година во Мерцедес.
„Го сакам овој тим и мислам дека ова е моето место. Најважно ми е да донесам вистинска одлука за себе и мојата фамилија, но може да бидете сигурни дека на било кој начин ќе останам во тимот“, изјави Волф.
Покрај тоа што е шеф на тимот тој има и 30 отсто од ацкиите на тимот, а го води и целиот систем на Мерцедес во авто-мото спортот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
