Зимскиот трансфер рок во Премиерлигата заврши, а во него клубовите од „елитата“ на англискиот фудбал потрошија 302.9 милиони фунти што е најмногу во последните четири години.
Најскапото засилување го има Ливерпул кој го ангажираше Луис Диаз од Порто за 49 милиони фунти, а по него во топ 5 листата следат: Бруно Гуимареш (40 милиони фунти од Лион во Њукасл), Деле Али (40 милиони фунти од Тотенхем во Евертон), Лукас Дињ (25 милиони фунти од Евертон во Астон Вила) и Крис Вуд (25 милиони фунти од Барнли во Њукасл).
Тимот кој потроши најмногу оваа зима очекувано е Њукасл со 93 милиони фунти за четири фудбалери: Бруно Гуимареш, Крис Вуд, Киеран Трипиер и Ден Бурн. Најблиску до „црно-белите“ во потрошувачка е Евертон со 56 милиони фунти потрошени на Деле Али и Нејтан Петерсон.
Топ 10 листата ја комплетираат: Ливерпул (49 милиони фунти), Астон Вила (27 милиони фунти), Тотенхем (20 милиони фунти), Манчестер Сити (14.2 милиони фунти), Брајтон (14 милиони фунти), Барнли (12 милиони фунти), Кристал Палас (10 милиони фунти) и Вулверхемптон (4.5 милиони фунти).
Интересно дури девет клуба меѓу кои и Челси и Манчестер Јунајтед не потрошија ниту цент во зимскиот трансфер рок.
Најголемата заработка оваа зима ја има Манчестер Сити кој „собра“ 55.2 милиони фунти од продажбата на Феран Торес. Тотенхем заработи 40 милиони фунти, додека Евертон и Барнли се изедначени со профит од 25 милиони фунти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
