МЗТ Скопје со триумфот над Цедевита Олимпија ги задржа шансите за опстанок во АБА лигата, но избраниците на Драган Николиќ за остварување на амбицијата ќе мораат да слават и на престојното гостување во петок од 18 часот против Морнар Бар. „Сино-белите“ го загубија првиот меѓусебен натпревар против црногорскиот тим па ќе имаат и мотив повеќе за тирумф.
Тоа добро го знае и тренерот на Морнар, Михајло Павичевиќ кој вели дека натпреварот против МЗТ е „да се биде или не“, а ги повика и навивачите на помош против македонскиот шампион.
„По сите случувања и промени дојдовме во ситуација да се биде или не. МЗТ повеќе не е истата екипа од првиот дел од сезоната. Со доаѓањето на Николиќ тие добија нова енергија, тоа е друг тим и тоа го потврдија со победа над Цедевита. Тоа е искусна екипа кој ги користи грешките на противникот. Победа е неопходна и за нив и за нас. Ќе биде тежок натпревар. Кој ќе биде попаметен и посмирен ќе има поголеми шанси за победа. Од овие натпревари зависи животот. Ги повикувам навивачите да не поддржат во голем број“, изјави Павичевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
