Работнички доживеа елиминација од Динамо Минск во второто квалификациско коло од Лигата на Европа. Тимот од Дебар Маало загуби во Белорусија со убедливи 3-0, откако првиот меч во Скопје заврши 1-1. Тренерот Виктор Треневски призна дека Динамо Минск беше подобар тим во овој двомеч и дека заслужено оди во следната рунда.
„Уште пред двомечот напоменав дека Динамо Минск е поквалитетен тим и ја има фаворитската улога. Ние се обидовме да се спротивставиме, но денеска не ги искористивме своите шанси. Можевме први да поведеме, но не успеавме, а потоа Динамо Минск постигна гол, кој го одведе мечот во друга насока. На крајот, славеа убедливо, со 3-0, и секако дека заслужено одат во следното коло од ова натпреварување“, изјави Виктор Треневски, шефот на стручниот штаб на Работнички по елиминацијата во Белорусија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
