Работнички и Македонија ЃО утре од 16 часот на „Телеком арена“ ќе го отворат 28.коло од Првата фудбалска лига на Македонија. „Романтичарите“ посакуваат нови три бода, а тренерот Виктор Треневски бара од своите фудбалери да одиграат на врвно ниво, со максимална мотицација, како на дерби против Вардар.
„Играме против Македонија ЃП, еден млад и полетен тим, кој претходно во првенството веќе ни покажа дека може да биде многу незгоден ривал. Затоа, мораме максимално мотивирано да влеземе во овој дуел, да наметнеме свое темпо и да ги заслужиме трите бода. Имаме квалитет, имаме и поголемо искуство, но сето тоа треба да се покаже и да се потврди на теренот“, вели тренерот Треневски за официјалниот сајт на клубот.
Работнички во моментот се наоѓа на третата позиција на табелата со 46 бода, додека Македонија ЃП е последнопласирана, со 18 бода.
Во останатите мечеви од 28.коло во Првата лига се среќаваат: Шкупи – Вардар, Силекс – Шкендија, Пелистер – Победа, Ренова – Брегалница (недела, 16 часот).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
