Централниот регистар со решение за нов претседател на ОФС Тетово, од актуелното раководство обвинија за флагрантно мешање на политиката во спортот

Централниот регистар на РСМ со вчерашна своја потврда донесе решение со кое има промена во овластено лице на ОФС Тетово, па Мехмет Абдиу со решение од ЦРСМ е нов претседател на општинскиот фудбалски сојуз.

Токму по тоа решение од ЦРСМ, Абдиу со соопштение до јавноста информираше дека го одложува закажанато за денеска Изборно собрание на ОФС Тетово.

Но, од актуелното раководство на ОФС Тетово денеска одржаа прес-конференција по која преку соопштение до јавноста нагласуваат дека одлуката на ЦРСМ е флагрантно мешање на политиката во спортот.

СООПШТЕНИЕТО ОД ОФС ТЕТОВО ВИ ГО ПРЕНЕСУВАМЕ ВО ЦЕЛОСТ:

ОФС  Тетово на 18 февруари го назначи Изборното собрание врз основа на статутот и барањето од страна ФФМ, кое предвидува одржување редовни избори. Ние како  ОФС Тетово, врз основа на статутот на ОФС  Тетово ги направивме сите подготовки за на 18-ти за организација на овие слободни и демократски избори.

Но, на 17 февруари, Централниот регистар на Република Северна Македонија и второстепената  Комисијата за жалби го одзедоа легитимното право стекнато по две години талкање по судовите, со флагрантно непочитување и на  второстепената  одлуката на Апелациониот суд.

За ситуацијата да биде потрагична, како претседател на ОФС  Тетово се враќа лице на кое мандатот му е истечен од 2016 година, а неможеме да не го споменеме и фактот дека истиот  тој беше суспендиран од Фудбалската Федерација на Македонија.

По овие случувања во ОФС  Тетово произлегува дека, по втор пат се повторува нашиот сојуз да не е во можност да учествува на Изборното собрание на Фудбалската Федерација на Македонија, преку интервенција на истата личност а со мешање на политиката преку подршка на најголемата македонска партија на власт.

Ја информираме јавноста дека како резултат на овие дејствија и правни повреди ќе поднесеме  жалба  до истата комисија, поткрепена со фактите кои ги поседуваме како :

-Одлука на Управниот суд од 17.01.2019 година,

-Одлука на Вишиот управен суд од 14.10.2020 година, и          
-Одлука на Централниот регистар на Република Северна Македонија од 21.01.2021 година.

Истовремено, ќе покренеме кривична пријава против членовите на комисијата кои учествувале во противзаконското поништување на горенаведените решенија.
Со ова соопштение   ја информираме јавноста дека како резултат на оваа ситуација ОФС Тетово нема да биде дел од  изборите на Редовното собрание на ФФМ и како резултат на сето тоа сите клубови членки ОФС Тетово ќе бидат парализирани во однос на функционирањето и застапеноста во Футбалската федерација.

Уште еднаш потенцираме  дека за овој неуспех на Тетово  и тетовскиот фудбал не треба да покажуваме  со прст кон никој друг,  туку кон истите луѓе поради кои по втор пат во историјата е казнет тетовскиот фудбал , а истите тие стануваат алатка на партиските политики, за жал од страна на   македонскиот политички блок.

Факт е дека, не наоѓајќи прибежиште во ниту еден друг општински сојуз во земјата, предметната партија успева да добие поддршка во нашето Тетово, со што  на последните избори за претседател не ФФМ од истите незаконски поставени лица на чело на ОФС Тетово на нелегитимно Собрание, за претседател во ФФМ, беше номиниран лицето Влатко Костов, жител на Штип.

Денес, кога повеќето општински фудбалски сојузи во Република Македонија ја поддржуваат кандидатурата за прв пат на г. Муамед Сејдини, истата клика дава се од себе да спречи реизбор на еден од најуспешните претседатели во историјата на македонскиот фудбал. Се надеваме дека надлежните органи, сепак ќе ги разгледаат нивните скандалозни одлуки, и во име на правдата, на фудбалските клубови во Тетовскиот регион нема да им биде дозволено да трпат штетни последици од истите.